بوومەلەرزەیەكی دیكە كەركوكی هەژاند

دەستەی گشتیی كەشوهەوا و بوومەلەرزەزانیی عێراق بڵاویكردەوە، سەعات 8:26 دەقیقەی بەرەبەیانی ئەمڕۆ بوومەلەرزەیەكی نوێ لە كەركوك روویدا.
دەستەكە دەڵێت، بوومەلەرزەكە بە گوڕی 3.1 پلە بووە بە پلەی رێختەر.
ئەمە سێیەم بوومەلەرزەیە لە دوێنێوە كەركوك و هەرێمی كوردستان بگرێتەوە، دوای ئەوەی دوێنێ ئێوارە بە هەمان شێوە بوومەلەرزەیەكی دیكە بە گوڕی 3.6 پلە لە دەوروبەری كەركوك روویدا، هەروەها هەر دوێنی بوومەلەرزەیەك لە قەزای تەقتەقی دا و هاوڵاتیان هەستیان پێكرد، بەڵام گوڕەكەی دیاریی نەكرا.
ئەمە لەکاتێکدایە ئەمڕۆ سیروان ساڵح شارەزای بواری کەشناسی و بومەلەرزەزانی رایگەیاند لە ماوەی هەفتەیەکدا رەنگە بومەلەرزە لە چەند ناوچەیەکی هەرێم رووبدات.
شارەزاکە دەڵێت، بەهۆی بەردەوامیی جوڵەی پلێتەکان و کۆبوونەوەی وزەی ناوەکی، لەم هەفتەیەدا ئەگەری بومەلەرزەیەک لەنێوان (3 تا 4) پلە بە پێوەری رێختەر هەیه.
دەشڵێت، بومەلەرزەکە مەترسیی لێناکەوێتەوە پێشبینی لە نێوان کەرکوک-چەمچەماڵ، هەولێر و سلێمانی، ناوچه سنوورییەکانی خۆرهەڵاتی گەرمیان و هەڵەبجە، تا دەگاتە پێنجوێن رووبدات.