نزیکەی 800 ئێزدی لەزیندانەکانی ژێر دەسەڵاتی شه‌رعدان‌ و ئازاد نه‌كراون

وتەبێژی ڕێکخراوی گەشەپێدانی مافی مرۆڤی نێودەوڵەتی ئاشكرایكرد، تا ئەمڕۆ نزیکەی 800 ئێزدی لەزیندانەکانی ژێر دەسەڵاتی تەحریر شامدا ماون، ده‌شڵێت:زیاتر لەپێنج هەزار کورد لە عەفرین، سەرێکانی ‌و دێرەزور زیندانیکراون".
ئاراس جەلال باسی لە چارەنووسی هەزاران کوردی ئێزدی‌ و هاونیشتمانیی دیکەی ڕۆژئاوای کوردستان کرد.
 ئاراس جەلال وتی: تا ئەمڕۆ دوو هەزار و 150 کورد چارەنوسیان نادیارە کە لەلایەن چەکدارانی داعشەوە دەستگیرکرابوون
راشیگەیاند ئەوانەی لەسەر دەستی سوپای نیشتمانیی سوریا دەستگیرکراون، پێنج هەزارو 400 هاوڵاتیی سڤیلی کوردن، لەنێویاندا 275 ژن ‌و 250 منداڵ هەن.
ئه‌وه‌شی وت دوای ڕوخانی دەسەڵاتی بەشار ئەسەد، زیندانییەکان ئازادکران، بەڵام زیندان ‌و زیندانییانی ژێردەسەڵاتی تەحریر شام وەکو خۆیان مانەوە و بەگوێرەی زانیارییەکانی ئێمە زیاتر لە 800 ئێزدییان تێدایە لەئیدلیب.
هەفتەی رابردووش بەر لە دەستپێکی لووتکەی عەرەبی، ئێزیدییەکانی شەنگال داواکارییەکی رەسمییان ئاڕاستەی سەرۆک وەزیران کرد، تا لە کاتی هاتنی شەرعدا بۆ بەشداریکردن لە لووتکەکەدا پرسی ئێزدییە بێسەروشوێنەکانیان لەگەڵ بکەنەوە و بۆ بەدواداچوونی ئەو پرسەش لێژنەیەکی ناوخۆییان پێکهێنا.
****-