روانگەی سوری: هەسەدە و هاوپەیمانان 19 چەکداری داعشیان دەستگیر کردووە

روانگەی سوری راگەیاند، لەم مانگەدا هەسەدە و هاوپەیمانان 19 چەکداری داعشیان دەستگیرکردووە، بەشێکیان سەرکردە و ئەمیر بوون.

بەگوێرەی زانیاریی روانگەکە، هەوڵەکانی هەسەدە بۆ لەناوبردنی پاشماوەکانی داعش بەهاوکاری هاوپەیمانان بەردەوامە و لەم مانگەدا زنجیرەیەک ئۆپراسیۆنی ئەمنییان لە ناوچە حیاوازەکانی رەقە، دێرەزوور، حەسەکە و دەوروبەری حمس کردووە.

رووانگەی سووری دەشڵێت، لە ئۆپراسیۆنەکاندا 19 داعشیان دەستگیرکردووە سەرکردە و ئەمیری داعشیان تێدا بووە و هەندێکیان بەشداربوون لە بەڕێوەبردنی چالاکییەکانی داعش و بەسەربازیکردنیان و پشتیوانیکردنی دارایی و دروستکردنی مادەی تەقینەوە.

ئاماژەی بەوەشداوە، لە بەشێک لە ئۆپراسیۆنەکاندا رووبەڕووبوونەوە لەنێوان هێزەکانی هەسەدە و داعش روویداوە و بەهۆیەوە زیانی گیانی و مادی هەبووە.