کەشناسیی هەرێمی کوردستان پێشبینی دەکات پلەی گەرما چوار پلە دابەزێت

کەشناسیی هەرێمی کوردستان پێشبینی دەکات، ئەمڕۆ پلەی گەرما بە شێوەیەکی بەرچاو دابەزێت، کەشناسیی عێراقیش پێشبینی دەکات، تا رۆژی دووشەممە خۆڵبارین بەردەوام بێت.

بەگوێرەی پێشبینییەکانی کەشناسی هەرێمی کوردستان، ئەمڕۆ ئاسمان ساماڵ و پەڵەهەور دەبێ، پلەی گەرماش سێ بۆ چوار پلە بەراورد بە تۆمارکراوەکانی دوێنێ دادەبەزێت.

بەگوێرەی کەشناسی، ئەمڕۆ بەرزترین پلەی گەرما لە گەرمیان دەبێ بە 37 پلە و نزمترین پلەی گەرماش لە حاجی ئۆمەران دەبێ بە 22 پلە.

کەشناسیی عێراقیش پێشبینی دەکات، ئەمڕۆ لە تەواوی عێراق پلەی گەرما داببەزێت و خۆڵبارینێکی کەم ناوچە جیاجیاکان بگرێتەوە، لە رۆژی شەممەشەوە خۆڵبارین زیاد دەکات و هەتا رۆژی دووشەممە بەردەوام دەبێت.