ئەحمەد فەکاک بەدرانی، وەزیری ڕۆشنبیری و
گەشتوگوزار و شوێنەواری عیراق ڕایگەیاند: بەغدا وەک پایتەختی ڕۆشنبیری وڵاتانی
ئیسلامی بۆ ساڵی 2026 هەڵبژێردراوە.
وەزیری رۆشنبیری راشیگەیاند بڕیارەکە لە ڕێکخراوی
عەرەبی بۆ پەروەردە و ڕۆشنبیری و زانست کە بارەگاکەی لە مەغریبە دەرچووە.
ئەحمەد فەکاک بەدرانی وتیشی ئامادەکاری زۆر کراوە
و وەزارەتی ڕۆشنبیری بە هاوکاری لەگەڵ وەزارەتەکانی پەروەردە و خوێندنی باڵا و
وەزارەتەکانی دیکە و بەیتی حیکمە، کاردەکەن بۆ ڕێکخستنی ئەم شایستەییە.
ئاماژەی بەوەشکرد: گەشتیارانی بیانی پۆل پۆل دێنە
بەغداد و لە بەغدادەوە دەچنە ئوور، بابل، ئاشوور و حەزەر.
روونیشیکردەوە ئاماری ژمارەی ئەو گەشتیارانەی
سەردانی ناوچە شوێنەوارییەکان دەکەن، بەردەوام بەرزدەبێتەوە و لە کۆتایی ئەمساڵدا
ڕایدەگەیەنین.
Copyright © 2020 Kirkuk Tv All Rights Reserved Designed And Developed By AVESTA GROUP