باخچەلی: ئیسرائیل دەیەوێت پرۆسەی تورکیای بێ تیرۆر تێکبدات

 
دەوڵەت باخچەلی رایدەگەیەنێت: ئیسرائیل بە هێرشکردنە سەر ئێران دەیەوێت کۆمەڵکوژیی غەززە لەبیرببات و پرۆسەی "تورکیای بێ تیرۆر" تێکبدات.
دەوڵەت باخچەلی سەرۆکی پارتی بزووتنەوەی نەتەوەیی-مەهەپە، دوای پێنج مانگ، بەشداریی کۆبوونەوەی فراکسیۆنی پارتەکەی لە پەرلەمان کرد، لە کۆبوونەوەکەدا هێرشی تووندی کردە سەر ئیسرائیل و وتی: "ئیسرائیل یاسا نێودەوڵەتییەکانی پێشێل کردووە و بووەتە دەوڵەتێکی تیرۆریست".
سەرۆکی مەهەپە باسی پرۆسەی چارەسەری کرد و وتی: "داوا و بڕیاری ئێمە تورکیایەکی بێ تیرۆرە، ئەگەر ئاسایشی وڵاتەکەمان بکەوێتە مەترسییەوە، ئێمە وەڵامی پرسیاری 'کێ دێتە پێشمان' بە باشی دەزانین."
باخچەلی وتیشی: ئەو بۆمبانەی لە تاران دەدرێن، کاریگەری لەسەر ئەنقەرە دەبێت.