مسته‌فا كازمی له‌گه‌ڵ باڵیۆزی نوێی توركیا جه‌خت له‌ رێزگرتنى سه‌روه‌ریی خاك ده‌كاته‌وه‌

سه‌رۆك وه‌زیرانی عێراق له‌گه‌ڵ باڵیۆزی نوێی توركیا له‌ به‌غدا كۆبووه‌ و باسیان له‌ رێزگرتن له‌ سه‌روه‌ریی خاك كرد.

نووسینگه‌ی مسته‌فا كازمی سه‌رۆك وه‌زیرانی عێراق له‌ به‌یاننامه‌یه‌كدا رایگه‌یاند كه‌ كازمی پێشوازیی له‌ عه‌لی ره‌زا كونای باڵیۆزی نوێی توركیا له‌ عێراق كردووه‌ و هه‌ردوولا گفتوگۆیان له‌سه‌ر هاوكاریی نێوان هه‌ردوو وڵات له‌ بواره‌ جیاجیاكاندا كردووه‌.

به‌پێی به‌یاننامه‌كه‌ كازمی و باڵیۆزی نوێی نوركیا به‌گرنگیان زانیووه‌ په‌یوه‌ندیی دووقۆڵی له‌نێوان هه‌ردوولا دابمه‌زرێت كه‌ بناغه‌كه‌ی رێزگرتنی یه‌كتر بێت له‌ سه‌روه‌ریی خاك و له‌پێناو ئاسایش و سه‌قامگیریی نێوان هه‌ردوو وڵاتدا بێت.