ئه‌ڤرو رۆژا سێ شەمبێ 14/9/2021 ئاراس محەمەد ئاغا به‌رپرسێ مه‌لبه‌ندێ دهوك و سه‌رپه‌رشتیارێ لیستا هه‌ڤپه‌یمانى و ب به‌رهه‌ڤبوونا ئیمان عبدالرزاق كاندیدا ژماره 26 ل بازنێ سێ (به‌رده‌ره‌ش ، ئاكرێ)، و هه‌ڤال ره‌حمان فه‌رمانده‌یێ لیوا 112 و كاك كوچه‌ر جێگرێ مه‌لبه‌ندێ پێشمه‌رگه ل باره‌گه‌هێ كومیتا به‌رده‌ره‌ش كوبوونه‌ك ده‌ربارێ گرنگیا پشكداریێ د هه‌لبژارتنان دا دگه‌ل به‌شه‌كێ ئه‌فسه‌ر و پێشمه‌رگه‌هێن لیوا 112 ئه‌نجامدا .
دكومبوونێ دا ئاراس محەمەد ئاغا به‌حسێ رولێ گرنگ و قه‌هره‌مانه یێ هێزا پێشمه‌رگه‌ى كر د پاراستنا ئاخا كوردستانێ دا و راگه‌هاند : پێشمه‌رگه‌هێ كوردستانێ گیان فیدانه به‌ره‌ڤانى ژ ئاخا كوردستانێ كریه، له‌ورا دڤێت ب ده‌نگێ خو ژى كاندیدێن لیستا هه‌ڤپه‌یمانى سه‌ربێخن، داكو كاندیدێن لیستا هه‌ڤپه‌یمانى جڤاتا نوینه‌رێن عیراقێ بكه‌نه سه‌نگه‌رێن به‌ره‌ڤانیێ ژ مافێن پێشمه‌رگه‌ى و خه‌لكێ كوردستانێ.
هه‌روه‌سا د ته‌وه‌ره‌كێ دیێ كومبوونێ دا سه‌رپه‌رشتیارێ لیستا هه‌ڤپه‌یمانى به‌حسێ گرنگیا كارا یا هه‌مى ته‌خ و چینێن جڤاكى كر د هه‌لبژارتنان دا و راگه‌هاند : دڤێت هه‌مى ئه‌ندام و كادرێن ئێكه‌تى پشكداریه‌كا كارا بكه‌ن د هه‌لبژارتنان دا، چونكه ب ده‌نگێن هه‌وه دشێین مافێن دارایى یێن موچه‌خورێن هه‌رێمێ مسوگه‌ر بكه‌ین .
Copyright © 2020 Kirkuk Tv All Rights Reserved Designed And Developed By AVESTA GROUP