ئۆپەراسیۆنە هاوبەشەکان له‌ باره‌ی قه‌ده‌غه‌ی هاتوچۆ له‌ رۆژی ده‌نگدان روونكردنه‌وه‌ ده‌دات

فەرماندەیەکی هێزەکانی عێراق ئاشکرای كرد، رۆژی دەنگدان بۆ هەڵبژاردنی پێشوەختەی عێراق، قەدەغەی هاتووچۆ ناسه‌پێندرێت.

لەو بارەیەوە تەحسین خەفاجی، وتەبێژی فەرماندەیی ئۆپەراسیۆنە هاوبەشەکانی عێراق لە لێدوانێکی رۆژنامەوانیدا رایگەیاندوە: "لەپێناو کارئاسانی بۆ چوونی دەنگدەران بۆ بنکەکانی دەنگدان، رۆژی هەڵبژاردن قەدەغەی هاتووچۆ ناسەپێنرێت".

راشیگه‌یاندوه‌ :سەرجەم هێزە ئەمنیی و سەربازییەکان، لە رۆژی دەنگدان دەخرێنە حاڵەتی ئامادەباشییەوە، بۆ پاراستنی ئاسایشی هەڵبژاردن، هەروەها لیژنەی باڵای ئەمنی هەڵبژاردن، بۆ یارمەتیدانی کەسانی خاوەن پێداویستی تایبەت و بەساڵاچووان بۆ گەیاندنییان بە بنکەکانی دەنگدان راسپێردراوە.