ھێزهكانی سوریای دیموكرات (ھهسهده) سهدان تۆمهتباری ئازاد كرد، كه به گومانی پهیوهندییكردنیان به تاقمی تیرۆرستی داعشهوه دهستبهسهر كرابون
ھهسهده له ڕاگهیهنراوێكدا ئاماژهی بهوهكردووه، به كهفالهتی سهرۆك عهشیرهتهكانی ناوچهكه و دوای كۆتاییھاتنی لێكۆڵینهوهكان و پشتڕاستكردنهوهی ئهو بهڵگانهی تایبهت بوون بهوهی كاری خوێناوی و تیرۆرستییان ئهنجام نهداوه، سهدان دهستگیركراو ئازاد كراون.
سهرچاوهیهكی سهربازیی سهر به ھهسهدهش ئاشكرایكردووه، ژمارهی ئهو كهسانهی به تۆمهتی پهیوهندییان به داعشهوه دهستگیركرابوون و ئێستا ئازادكراون، نزیكهی 900 كهسن.
ئاماژه بهوهشكردووه، له 80% ی ئهو دهستگیركراوانهی ئازادكراون، خهڵكی سنووری دێرهزورن و له داھاتووشدا ژمارهیهكی دیكهش ئازاد دهكرێن.
Copyright © 2020 Kirkuk Tv All Rights Reserved Designed And Developed By AVESTA GROUP