بافڵ تاڵەبانی کۆتایی پێ دەهێنێت

بافڵ تاڵەبانی کۆتایی پێ دەهێنێت:

هەموو ئەو قۆناغە دژوارانەی بەسەر یەکێتیدا هات کەم نەبوو، یەکێتی نەبووایە و هەر حزبێکی سیاسی دیکە بووایە ئێستا پەڕ و باڵی پێوە نەمابوو، خۆشبەختانە لەدوای کۆنگرەی پێنجەمی حزبەکەوە ئێستا یەکێتی یەک دەنگ و یەک ریزە. زۆربوون ئەوانەی گرەویان لەسەر نەمانی یەکێتی دەکرد، کەچی ئێستا یان نەمان، یان خۆیان ئاڵکاونەتە شەڕی ناو ماڵی خۆیان و خەریکە تووشی رۆژە رەشەکەی خۆیان دەبن.

هەوڵەکانی سەرۆک بافڵ:

لێرەدا پێویستە هەڵوەستە و هەڵسەنگاندنێکی جددی لەسەر ئەم قۆناغە بکەین، دوای نەخۆشکەوتنی سەرۆک مام جەلال یەکێتی مەرحەلەی وا ناهەمواری بەخۆیەوە نەبینی بوو، بەڵام کاریزمایی سەرۆک بافڵ وایکرد کە یەکێتی و یەکێتییەکان کۆبکاتەوەو ئەم حزبە بکاتەوە بە حزبەکەی سەرۆک مام جەلال. سەرۆک بافڵ توانی فۆڕمێکی نوێ لە سیاسەت بهێنێتە ئاراوە، کاتێک جوڵەکانی دەبێنیت ئەستەمە سەرسامی نەبیت، ئەو لەماوەی سێ ساڵدا هەموو هەوڵەکانی چڕکردەوە بۆ کۆتاییهاتن بە مافیاگەری و فرە کوێخایی، توانی چاکسازی و پاکسازی و رێکسازی بکات و یەکێتی پاک بکاتەوە لە خەڵکانی مشەخۆر و ئەو خەڵکانەی کە هاوبیری پارتی بوون و جێبەجێکاری سیاسەتەکانی ئەو حزبە بوون.
پارتی و هاوبیرەکانی زیاتر لەسەدا پەنجای خاکی کوردستانیان لەدەستمان دا، کورد لەڕووی سیاسی و عەسکەرییەوە لەکەرکوک و ناوچە دابڕیندراوەکان شکستی هینا، بەڵام ئەوە هەوڵەکانی سەرۆک بافڵ بوون کە وتی کەرکوک وەردەگرینەوەو پارێزگاریش بۆ کورد و یەکێتی دەبێت، زۆرێک هەبوون پێیان وابوو کە ئەمە خەون و خەیاڵە، بەڵام خۆ لە کەرکوکەوە وتی: باش ئەمناسن، هەندێک جار قسەکانم تووندە، بەڵام ئەوەی دەیــڵێم جێبەجێی دەکەم. ئەمەش سیفاتی سەرکردەی کاریگەر و بوێرە.

بۆچی گرنگە دەنگ بەیەکێتی بدرێت:

یەکێتی بەدروشمی راستکردنەوەی رێڕەوی حکومڕانی چووە نێو بانگەشەی هەڵبژاردنەوە، هەندێک دەڵێن کام رێڕەو لەکاتێکدا یەکێتی خۆی بەشدارە لە حکومەت! راستە یەکێتی بەشدارە بەڵام هـــاوبـــەش نییە لە حکومڕانی، ئەوە پارتییە کە سەرۆکایەتی هەرێمی لایە، سەرۆکی ئەنجومەنی وەزیران و، زۆربەی وەزارەتە ئەساسی و گرنگەکان، بۆیە پێویستە خەڵکی هەرێمی کوردستان ئەمجارە دەنگ بە یەکێتی بدەن و رێڕەو و هەڵەی حکومڕانی راستبکەنەوە، ئەمجارە یەکێتی بەڕابەرایەتی سەرۆک بافڵ وئیرادەی جەماوەری کوردستان کۆتایی بەدەسەڵاتی خۆســەپێــن دەهێنن.