رەفیق بوحتەری لە کەرکوک

ئەمە تابلۆی عەرەبی خوێندنگەکەمانە . خۆی ناوی خوێندنگەی هەڵگورد بوو . ناوەکەیان کردە ئیبن جەوزی . سنفی شەشی سەرەتاییم لەوێ تەواو کرد.
پێکەوە  دوو خوێندنگە بوون لە یەک بینادا ( شۆڕش)یان ناو نا ئەلبوحتەری  و ئەویتر  ئیبن جەوزی . کە منداڵبووین پێمان  وابوو ئەم دوانە ناوی دوو رەفیق حزبی بەعسن  و هاتوون  مەتکەبەکەی ئێمە تەعریب دەکەن.
کە گەورەبوین و ئەدەب و شیعرمان خوێندەوە زانیمان بوحتەری شاعیرێکی رۆمانسی دەورانی عەباسی بوو ، شیعری ناسکی زۆرن کە هەرگیز دەرفەتی ئەوە نادات گومانی لێ بکەین ئیشی بێ ناموسی تەعریب و تەرحیل دەکات. 
هەرەوەها کاک ئیبن جەوزی  زانا و فەقێیەکی گەورەی حەنبلی بوو و لە چوارچێوەی بەرهەمی زۆری دانەیەکی بۆ ئێمە  بەلەزەتترینیان بوو( اخبار الحمقى والمغفلين)  بە واتای هەواڵی گێل و غافلەکان.
 بۆ سوعبەت بە برادەکانی زانکۆم دەگوت (گێلەکان) مەبەستی حزبی بەعس بوو و ئەکید (غافلەکان) ئێمەی خوێندکاری منداڵبووین  کە گومانمان  هەبوو بوحتەری و ئیبن جەوزی رەفیقی حزبی بەعس  بوون،  تەنها لەبەر ئەوەی ناوەکەیان جێی دوو ناوی کوردی شۆڕش و هەڵگوردی گرتۆتەوە.
سەیری کەن یاران ! 
بەعس و شوڤێنی چی بەزمێکیان  لە کەرکوک ناوەتەوە ؟ 
لە جێی جێگیرکردنی تەعریب رقی وایان  لە مێشک و دڵ دەچاند کە هەموو عەرەب ،بە فەقێ و شاعیریشەوە ، وەک رەفیق حزبی و تەعریب تەماشا بکەین.
ئەکید هەر لەو ساتەوە عەرەب و تورکمانیش پێیان وابوو و پێیان وایە  ناوی رەسەنی (هەڵگورد ) پێشمەرگە و ناوی شۆرشیش قاچاخی درەنگانی شەوی  وێستگەی سەرژمێرییەکەی ٢٠٢٤ و  هەموو بزاوتێکی کوردە لە هەموو وێستگەکانیدا.
وێنەکە رۆژی دووەمی دوای پرۆسەی رزگاری کەرکوکە لە ساڵی ٢٠٠٣ کە لەگەڵ هاورێامی  دێرین( هاورێ و تاریق و فەرهاد ) لەبەردەم خوێندنگەی ئیبن جەوزی وەستاوین  . جا ئەوەندە ئەم چیرۆکەم بۆ  کوڕکەم ، ئەلەند مامشەیی ، گێراوەتەوە لەبەرێتی و  یەکسەر دەڵێ:  بەڵێ دەزانم!!  ئەوە مەکتەبەکەتە و تەواو. 
ئێستا هەردوکمان، باوک و کوڕ ،  بە ئیجازەی کاک بوحتەری و (ئۆغلو) جوزی لێرەین خۆمان لە سەرژمێری کەرکوک تۆمار بکەین. شارەکە هی خۆمانە و سەد ناوی کوردی لێ قیت بۆتەوە.