وەڵامێک بۆ توتیەکە

وەڵامێک بۆ توتیەکە
ئەمین هەریری

هێڤیدار ئەحمەدی پەرلەمانتاری پارتی، هەندێک قسەیان پێکردووە گوایە پارەو داهات لە دەڤەری سلێمانی و هەڵەبجە بەهەدەر دراوە، بەپێویستمان زانی وەڵامێکی بدەینەوە بۆ ئەوەی وەڵامەکە بگەیەنێت بە ئاغا لۆکاڵییەکانی. 

یەکەم: هەر پارەیەک کە دێت لە هەولێرەوە وەک بەشێک لەمووچە، ئەوە  خێری سەرۆکی حکومەت و کابینەکەی نییە کە شتی وەهای لێ ناوەشێتەوە، بەڵکو ئەوە داهاتی نەوتەو بە ویستی خۆیان  نییە کە ئەینێرێت.

دووەم: هەموو مانگێک لەداهاتی ناوخۆی سلێمانی ٩٠ ملیار دینار بۆ تەواوکاری دابەشکردنی مووچە تەرخان کراوە، ١٥ ملیاری دەڕواتەوە هەولێر وەک بودجەی موچەی سیادی.

سێیەم: هێڤیدار، ئەزانێ داهاتی ئیبراهیم خەلیل مانگی پێشوو ١٣٩ ملیار بووە؟ ئایا ئەزانی ئاغاکەت تەنها ٦٤ ملیاری گەڕاندۆتەوە بۆ خەزێنەی هەولێر! ئەی ئەویتری  چی لێهات؟ بێگومان بەڵێ دەزانیت بەڵام ناوێریت و نوقەت لێوەنایەت ! دەبا پێت بڵێین چی لەپارەی دزراوی ئەم میللەتەو خەڵکی سلێمانی دەکرێت ( ئەسپی عەرەبی رەسەنی پێدەکڕێت ، فەوجی نایاسایی پێدروست دەکرێت ، میلیشیای سوشیال میدیای بێخاوەنی پێدروست دەکرێت ، درۆنی زەبەلاحی بۆ دوژمن پێدەکڕێت ! چاکەتی گران بەها کە نرخەکەی ٢٤٩٠ دۆلاریە پێدەکڕێت ، ویژدان و بیروباوەڕی خەڵکی پێدەکڕێت ، کەسانی لەیاسا هەڵهاتووی پێ پارەدار دەکرێت ،  ئەوە هەر باسی  ئۆتۆمبێلەگرانبەهاکانیان و سەعاتەکەی دەستی ، یا خانووکەی گەڕەکی ئەمریکا ناکەین ؟ و نرخی هەموو ئەمانە بەجێ ئەهێڵین بۆ خۆتان .

چوارەم: ئەزانی سەرۆکی حکومەت وتوویەتی؛ ئەگەر لەبەغداوە تەواوی پارەی مووچە نەیەت، کەس باسی پاشەکەوتکردنی مووچە نەکات، وەکو پێشتر لێبڕین دەکەین! 

پێنجەم: ئەزانی سەرۆکی حکومەت بەپلان دەیوێت داهاتی دەروازە سنورییەکانی سلێمانی وشک بکات. 

شەشەم؛ هەموو ژمارەکانی هێڤیدار حوکمداری برا گەورەیان تێدایە و هیچیان راست نین، باقی والسلام.