ئەو ئێكەتیا مێژوو گوهارتی، دقۆناغەكا سەخت و دژوار و دناڤ هەلەمۆرا شكەستنا شۆڕەشا ئیلۆنێدا ژدایكبوویی و شكەستن ب شكەستنێ ئینای و بوویە پێشەوا و مەزنترین بەرپسیاری د دیروكا بزاڤا رزگاریخوازا كوردیدا بستوویێ خۆڤە گرتی، و د وی سەردەمێ دژوار و ژانداردا بوو ئومێدا گەلەكێ ستەمدیتی و دەنگێ ڕەوایێ خەلكێ كوردستانێ ل دژی زولم و ستەم و ركابەری و بەرهنگاریا هەژموونا نەحەز و داگیركەران كر.
ئێكە‌تی د درێژاھیا مێژوویا خوە ئە‌وا ب خوینا زێدە‌تر ژ بیست ھزار شە‌ھیدان ھاتیە نە‌خشاندن بە‌ردە‌وام توشی ھێرشێن نافخوە و دە‌ركی بوویە نە‌خاسمە پە‌یدابوونا چە‌ندین حزبێن جودا جودا ژ ئێكەتیێ لێ ئێكە‌تی ھە‌ر ب ھێزی ما و شیا ب رە‌نگە‌كێ بە‌رچاڤ ھە‌می ھێرش و بە‌ربە‌ستان دە‌رباز بكە‌ت و ھە‌ر ل سە‌ر پێیان ما.
د خە‌باتا خوە یا سیاسی ژی دا ئێكە‌تی نیشتیمانی كوردستان بە‌ردە‌وام دە‌ستێ برایە‌تیێ دوستایە‌تیێ بو ھە‌موو لایە‌نێن كوردستانی درێژكریە و حە‌تا زووربە‌یا جاران دە‌ستبە‌رداری مافێن خوە یێن گرنگ بوویە پێخە‌مە‌تی ئێكرێزی و ئێك دە‌نگیا گە‌لێ كورد و ب دە‌ستڤە‌ئینانا مافێن رە‌وا یێن گە‌لێ كوردو و بە‌ردە‌وام بویە پارێزە‌را راستە‌قینە یا خواست و داخوازیێن خەلكێ ھە‌رێمێ.
لە‌وراژی پێدڤیە بزانین ئەڤرۆ ئەرك و ئارمانجێن ئێكەتیێ زۆر مەزنترن و گرنگترن و ستراتیژیا وێ ژی دوورمەودا ترە و بە‌ردە‌وام د قادا خە‌باتاتێ دایە ژبو جێبە‌جێكرنا وان ئەرك و ئارمانجێن كو ھیڤیا گەلەكێ ستە‌مدیدی نە .
د سە‌ردە‌مێن دژوار یێن قوناغا خە‌بات و بە‌رە‌ڤانیكرنا خە‌لك و ئاخا ھە‌رێمێ ئێكەتیێ چە‌ندین رووبارێن خوینێ رشتینە و ھە‌ر ئەو رووبارە یێن بوینە ناسنامە بو ئێكەتیێ ل ھە‌رچوار پارچێن كوردستانێ و ئێكە‌تی ھە‌ر ئەو ئێكەتیا نە‌گھورە د خزمە‌ت و خە‌باتا خوە‌دا ب تایبە‌ت یا كوو خە‌لكی وە‌كە ھیڤیە‌ك د سینگێ خوە‌دا چاندی .
ژ رە‌خە‌كێ دیڤە و دگە‌ل پرسگرێكێن دناڤبە‌را ھە‌رێم و بە‌غدایێ دا ئێكە‌تی ھە‌ردە‌م پێشە‌نگ بویە د قادا خە‌باتێ دا و ل سە‌ر ئاستێ عێراقێ ژی بە‌ردە‌وام دە‌ستێ خوە بو دە‌ستور و یاسایێن كارپێكری دكە‌ت و وە‌كە كلیلە‌كێ بویە بو ئە‌وی دە‌رگە‌ھێ چە‌ندین ھیڤی و مافێن خەلكێ ھە‌رێمێ ل پشت ماین ژبە‌ر ھندێ ئێكە‌تی ئێكە‌مینە و خودانا وێ سیاسە‌تا خوە یا نە‌گھورە یاكو خە‌لكی وە‌ك ھیڤی بو خوە چاندین.
د دە‌ربارە‌ی كونگرێ پێنجێ یێ ئێكەتیێ ، كو بە‌ردە‌وام ب كونگرێن نویبوونە‌ڤێ دھێنە دیتن، و ئینانە پێش یا ھێزا گە‌نجانە ل سە‌ر بنیاتێ سیاسە‌تا سە‌رۆك مام جە‌لال كو بە‌ردە‌وام د خزمە‌تا ھە‌رچوار پارچێن كوردستانێ بویە ، و كونگرە بو كونگرە‌ی ئە‌ركێن سە‌رملێن ئێكە‌تی و ھە‌ڤاڵێن ئێكەتیێ گرانتر دبیت و زێدە‌تر ھە‌ست ب بە‌رپرسیارە‌تیێ دكە‌ن ل پێناڤی خزمە‌تكرنا كورد و كوردستانیان و ئێكە‌تی وە‌كو ئەرك ل سە‌ر ملێن خوە دبینیت كو خزمە‌تێ بكە‌ت و بە‌ردە‌وام بە‌رھە‌ڤبوویە قوربانیا بدە‌ت و دە‌ست ژ مافێن خوە بە‌ردە‌ت ژ پێخە‌مە‌تی بدە‌ستڤائینانا وان ھیڤی و ئارمانجێن خەلكێ مە دە‌مە‌ك درێژە ھیڤیا بو رادھێلیت.
ڤە‌گێر نھێلی
Copyright © 2020 Kirkuk Tv All Rights Reserved Designed And Developed By AVESTA GROUP
