راگەیاندنێک بۆ ئێستا

‎ئێستا سەردەم سەردەمی ڕاگەیاندنە، میدیا جگە لەوەی بوەتە دەسەڵاتی یەکەم، دەشتوانێتت رەش بکاتە سپی و سپیش بە رەش، چاودێرێکی زیندوو زۆر هەستیاری سەر دەسەڵاتەکانی جێبەجێکردن و یاسادانان و دادوەرییشە، دەست دەخاتە سەر هەرچی خەوش و هەرچیش هەیە دەیگوازێتەوە بۆ هەموان.
‎یەکێتی لەسەرەتای دامەزراندنیەوە، دەستپێشخەر بووە لەوەی راگەیاندنێکی نیشتمانی هاوسەنگی خۆی هەبێت، لەشاخ لەرێگەی چەندین کەناڵی جیاو دوای راپەڕینیش پێش هەر هێزێکی سیاسیی تر ، بوە خاوەن راگەیاندنێکی کاریگەرو داهێنەرو یەکەمین کەناڵی بینراو و نوسراوی ڕۆژانەی خستە خزمەت خەڵکی کوردستانەوە.
‎دوەم کۆنفرانسی راگەیاندنی یەکێتی بوە وێستگەی پێداچوونەوەو داڕشتنەوەی بنەماو هێڵە گشتیەکان لەهەموو بوارەکانی کارکردنی خۆیدا، بۆ ئەوەی پێشەنگێتی خۆی لەدەست نەدات، هەرواش دەبێت.
‎راگەیاندنی یەکێتی بەو پێیەی حزبی سەنگین و سۆسیال دیموکرات و خاوەن دەستپێشخەرییە، دەبێت ببێتە بڵندگۆی خەڵک، فشارو گوشار بێت بۆ ئەوەی چەوتیەکان راست بکرێنەوەو مافەکانی خەڵک پارێزراوبن.
‎راگەیاندنی یەکێتی داکۆکیکاری سەرسەختی خەڵک و مافەکانیان بووەو ڕاستگۆیانەو ڕاشکاوانە، دوور لە توندوتیژیی و بەڵاڕێدابردنی خەڵک و کێشەکان کاری کردوە، زمانی رەخنەگرتن و زمانی ئاخاوتنی رۆژانەی خۆی لەموزایەدات پاراستووەو سەرڕاست بووە لە گەیاندنی پەیام و گواستنەوەی ڕوداوەکان وەک ئەوەی هەن.
‎پێشنیازو راسپاردەکانی کۆنفڕانس ئەم فەرهەنگە دەوڵەمەندتر و ئەم دەستکەوتانە فراوانتر دەکات، نوێگەرانە دەچێتەوە خانەی خزمەت بەخاک و خەڵک.