لە ڕێوەڕەسمی دەرچوانی خولی 16 كۆلێجی سەربازی
قەڵاچوالان نێچیرڤان بارزانی سەرۆكی هەرێمی كوردستان وتارێكی پێشكەشكرد و ڕایگەیاند:
بە خێرهاتنی كاك بافڵ تاڵەبانی دەكەم و كۆلێژی 3ی قەڵاچوالان یادگارییەكی گەورەی سەرۆك
مام جەلالە.
نێچیرڤان بارزانی ڕاشیگەیاند: پێشمەرگە ڕۆڵێكی
گەورەی لە پاراستنی هەرێمی و عیراق هەبووە و هێزی پێشمەرگە پارلەمانی عیراق و چەندین
دامەرزاوەی حكومی لە بەغدا پاراستووە و دەبێت حكومەتی عیراق هەموو پێداویستییەكانی
هێزی پێشمەرگە دابین بكات.
وتیشی: فیدڕاڵبوونی عیراق نابێتە هۆی لاوازبوونی
سەروەری عیراق و پاراستنی سەروەری عیراق لە بەرژەوەندی هەموو هاووڵاتیانی عیراق.
سەرۆكی هەرێمی كوردستان لەبارەی ڕێكخستنی هێزەكانی
پێشمەرگە وتیشی: دەبێت هێزی پێشمەرگە ڕێكبخرێتەوە و یەكێتی و پارتی بە باوەڕەوە هەوڵ
بۆ ڕێكخستنی پێشمەرگە بدەن و هێزی پێشمەرگە دەبێت بە دوور بێت لە ململانێ سیاسییەكان
و هەموو دەبێت ڕێگر بن لە لەتبوونی هەرێمی كوردستان و پەلەش بكریت لە دەستبەكاربوونی
لیوا هاوبەشەكان.
نێچیرڤان بارزانی وتیشی: دەبێت داهاتی حكومەت بۆ
هەموو ناوچەكانی هەرێمی كوردستان بێت.
سەرۆكی هەرێمی كوردستان داوای لە حكومەتی عیراق
كرد كە ڕووبەڕووی ئەو گروپانە ببێتەوە كە ئاسایشی هەرێم تێكدەدەن و وتیشی دەبێت سەروەری
هەرێمی كوردستان لەلای وڵاتان جێی بایەخ بێت.
Copyright © 2020 Kirkuk Tv All Rights Reserved Designed And Developed By AVESTA GROUP