شێخی ئه‌زهه‌ر له‌باره‌ی فره‌ژنییه‌وه‌ روونكرده‌وه‌ ده‌دات

کلتور
14:09 - 2022-05-25



ئەحمەد تەیب، شێخی ئەزهەر لەبارەی فرەژنییەوە، روونكردنه‌وه‌یه‌كی بڵاوكرده‌وه‌و هه‌رچه‌ند فره‌ ژنی ره‌تناكاته‌وه‌، به‌ڵام ده‌ڵێت، "یەک ژن بەسە" چونكه‌ فره‌ژنی "زۆر جار دە بێتە هۆی ستەم لە ژن و منداڵ. 

ئه‌مڕۆ (25ی ئایاری 2022) ئەحمەد تەیب لە وەڵامی پرسیارێکدا لەبارەی هاوسەرگیریی و فرەژنییەوە رایگه‌یاندوه‌، "ئەو كه‌سانەی پێیانوایە، بنه‌ما(اصل) لە ئیسلامدا فرەژنییە، ئه‌و كه‌سانه‌ هەڵەن، بابەتەکە زۆر جار ستەمە لە ژن و منداڵیش." 
داواشی لە موسڵمانان كردوه‌ "دووبارە ئایەتەکانی قورئانی پیرۆز به‌ باشی بخوێننەوە لەبارەی فرەژنی و لە پێش و پاشی ئایه‌ته‌كان تێبگەن." 

شێخی ئەزهەر باسی لەوەشکردووە، "پیاوی موسڵمان ئازاد نییە لەوەی ژن بەسەر ژنی یەکەمیدا بهێنێت، ئەو مۆڵەتە کە ئیسلام داویەتی بۆ فرەژنی پێوەند و مەرجی هەیە، فرەژنی مافە بەڵام مافێکی مه‌رجدار.

جەختیکردووەتەوە، "فرەژنی بەبێ دادپەروەریی حەرامە" و دەڵێت، "بەڵام من لەسەر قەدەغەکردن ئەو دیاردەیە قسە ناکەم و پشتگیری یاسایەکش ناکەم کە مافی شەرعی لە مرۆڤ بستێنێتەوە، بەڵام بە هەموو شێوەیەک دژی خراپ بەکار هێنانی دەوەستمەوە." 

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP