وه‌زاره‌تی نه‌وت بڕیاره‌كه‌ی پارێزگای كه‌ركوكی سه‌باره‌ت به دابه‌شكردنی به‌نزین 5 رۆژ جارێك هه‌ڵوه‌شانده‌وه‌و گه‌ڕاندییه‌وه بۆ هه‌مان خشته‌ی رابردوو كه 7 رۆژ جارێك بوو.
دوای ئه‌وه‌ی به بڕیاری تاك لایه‌نه‌ی راكان جبوری پارێزگاری كه‌ركوكی به وه‌كاله‌ت، دابه‌شكردنی به‌شه به‌نزينى ئۆتۆمبیلی شۆفێرانی دانیشتووی شاره‌كه كرا به پێنج ڕۆژ جارێك، ئه‌مڕۆ 22ی حوزه‌یرانی 2022 وه‌زاره‌تی نه‌وت ئه‌و بڕیاره‌ی هه‌ڵوه‌شانده‌وه‌و رایگه‌یاندوه، ئه‌وه سیستمه‌و له‌سه‌رتاسه‌ری عێراق 7 رۆژ جارێك دابه‌شده‌كرێت.
بڕیاره‌كه‌ی وه‌زاره‌تی نه‌وت ناڕه‌زایی هاووڵاتیانی لێكه‌وتووه‌ته‌وه‌و به بڕیارێكی نا عادیلانه‌ی داده‌نێن.
Copyright © 2020 Kirkuk Tv All Rights Reserved Designed And Developed By AVESTA GROUP
