قوباد تاڵه‌بانی: كه‌رتی ته‌ندروستی سلێمانی باشترینی سه‌رئاستی كوردستان و عیراقه‌

تەندروستی
22:47 - 2022-07-03

قوباد تاڵه‌بانی، جێگری سه‌رۆك وه‌زیرانی هه‌رێمی كوردستان، سه‌باره‌ت به‌ پرۆژه‌كانی ته‌ندروستی و كه‌رتی ته‌ندروستی سلێمانی په‌یامێكی بڵاوكرده‌وه‌ .

له‌په‌یامه‌كه‌ی جێگری سه‌رۆكی حكومه‌تدا هاتووه‌، سه‌رباری هه‌موو كه‌موكوڕییه‌كان و ٨ ساڵ قه‌یرانی دارایی، كه‌رتی ته‌ندروستی پارێزگای سلێمانی، به‌ هه‌وڵ و هیمه‌تی به‌ڕێوه‌به‌ران و پزیشكان و كارمه‌نده‌كانی، باشترینه‌ له‌سه‌ر ئاستی كوردستان و عێراقدا. 

له‌پێناو باشتركردنی خزمه‌تگوزاریی ته‌ندروستی، به‌ خۆشحاڵییه‌وه‌ ئه‌مڕۆ له‌ شاری سلێمانی، دوو نه‌خۆشخانه‌ی كۆئه‌ندامی هه‌رس و جگه‌ری فێركاری و نه‌خۆشخانه‌ی دكتۆر جه‌مال ئه‌حمه‌د ره‌شیدی تایبه‌ت به‌ منداڵانمان كرده‌وه‌.

جێگری سه‌رۆك وه‌زیران راشیگه‌یاندوه‌، به‌ وردی ئاگاداری كه‌موكورتییه‌كانی كه‌رتی ته‌ندروستین، كار و پڕۆژه‌ی گه‌وره‌ترمان به‌ ده‌سته‌وه‌یه‌ و به‌ پشتبه‌ستن و به‌ هاوكاری پزیشك و كارمه‌نده‌ به‌ تواناكانمان، به‌ره‌و ئامانجه‌كانمان هه‌نگاو ده‌نێین.

هه‌روه‌ك، سوپاسی كۆمپانیای قه‌یوانی كرد كه‌ ئه‌ركی دروستكردنی نه‌خۆشخانه‌ی دكتۆر جه‌مال ئه‌حمه‌د ره‌شیدی له‌ئه‌ستۆگرتوه‌ .


بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP