ئیداره‌ی یانه‌ی به‌رشه‌لۆنه‌ فێڵی له‌ رابیته‌ی ئیسپانیا كردوه‌

ئیداره‌ی یانه‌ی به‌رشه‌لۆنه‌ فێڵی له‌ رابیته‌ی ئیسپانیا كردوه‌ 

راپۆرتێكی رۆژنامه‌وانی ئیسپانی ئه‌وه‌ی ئاشكراكردوه‌ كه‌ ئیداره‌ی یانه‌ی به‌رشه‌لۆنه‌ فێڵی له‌ رابیته‌ی ئیسپانیا كردوه‌ له‌ گواستنه‌وه‌ی هه‌ردوو یاریزان ماركۆس ئه‌لۆنسۆ و هیكتۆر بیلیرین و له‌ بۆنده‌كانی شتی سه‌یر و سه‌مه‌ره‌ هه‌یه‌ ناساندنی هه‌ردوو ئه‌ستێره‌ نوێیه‌كه‌ی یانه‌ی به‌رشه‌لۆنه‌ له‌ نێو یاریگای كامپ نۆ نیه‌ و له‌شاری وه‌رزشی به‌رشه‌لۆنه‌ خوان گامبه‌ره‌ ئه‌ویش به‌هۆی ئه‌وه‌ی یه‌كێتی تۆپی پێی ئه‌وروپا خۆی لێپرسراوێتی یاریگاكان وه‌رده‌گرێت پێش یارییه‌كان به‌ یه‌ك رۆژ،  ئه‌وه‌ی جێگای سه‌رنجه‌ بۆنده‌كانی ماركۆس ئه‌لۆنسۆ و هیكتۆر بیلیرین بۆیه‌ك وه‌رزه‌ كه‌چی مه‌رجی سزای هه‌ڵوه‌شاندنه‌وه‌ی بۆنده‌كه‌ 50 ملیۆن یۆرۆیه‌ كه‌چی دوای چه‌ند مانگێك ده‌توانن به‌خۆڕایی یانه‌كه‌ جێبهێلن ، سه‌رچاوه‌كان باس له‌وه‌ ده‌كه‌ن به‌رشه‌ فێڵی له‌ رابیته‌ی ئیسپانی كردوه‌ له‌و دوو بۆنده‌ به‌هۆی په‌یڕه‌وكردنی یاسای دادپه‌روه‌رانه‌ی داراییه‌وه‌ ( یاسایی خاوێن ) ، له‌ ئێستادا به‌رشه‌ ده‌یه‌وێ بۆنده‌كان بكات به‌ گرێبه‌ستی جدی و راسته‌قینه‌ به‌ بێ ئه‌وه‌ی قسه‌ له‌گه‌ڵ بریكاری یاریزانه‌كان بكات .