به‌هه‌وڵی په‌رله‌مانتارانی یه‌كێتی له به‌غدا، وه‌زاره‌تی كشتوكاڵ لیژنه‌یه‌ك بۆ كێشه‌ی زه‌وییه كشتوكاڵیه‌كانی كه‌ركوك پێكده‌هێنێت .
هه‌ردوو په‌رله‌مانتار دكتۆر گه‌یلان قادر زه‌نگنه و صباح شێخ حه‌بیب نوێنه‌رانی كه‌ركوك له فراكسیۆنی یه‌كێتی نیشتمانی كوردستان له په‌رله‌مانی عێراق سه‌ردانی محمد كریم وه‌زیری كشتوكاڵی عێراقیان كرد، به مه‌به‌ستی چاره‌سه‌ری كێشه‌ی زه‌وییه كشتوكاڵییه‌كانی سنوری پارێزگای كه‌ركوك .
دواتر یاداشتێك به ئیمزای په‌رله‌مانتارانی فراكسیۆنی یه‌كێتی نیشتمانی كوردستان له په‌رله‌مانی عێراق و نوێنه‌رانی توركمان له په‌رله‌مان درا به وه‌زیری كشتوكاڵ كه تێیدا جه‌خت له جێبه‌جێ كردنی ماده‌ی ١٤٠ی ده‌ستوه‌ری عێراق كرایه‌وه و وه‌زیری كشتوكاڵ بڕیاریدا به پێكهێنانی لیژنه‌یه‌ك به‌مه‌به‌ستی چاره‌سه‌ركردنی كێشه‌ی زه‌وییه كشتوكاڵییه‌كانی سنوری پارێزگای كه‌ركوك .
Copyright © 2020 Kirkuk Tv All Rights Reserved Designed And Developed By AVESTA GROUP