ئەنجومەنی سەرکردایەتی یەکێتیی نیشتمانیی کوردستان کۆبونەوەی ئاسایی خۆی بەسەرپەرشتی هەڤاڵ بافڵ جەلال تاڵەبانی سەرۆکی یەکێتی نیشتمانیی کوردستان کرد.
لەو کۆبونەوەیەدا کە رۆژی29/9/2022 لە سلێمانی لە هۆڵی کۆبونەوەی ئەنجومەنی سەرکردایەتی سازکرا ، گفتوگۆ دەربارەی کاری رێکخراوەیی و ڕاپۆرتی کۆمسیۆن و مەکتەبەکان کرا.
ئەنجومەنی سەرکردایەتی هەروا سڵاو و نەوازشی خۆی نارد بۆ پێنجەمین ساڵیادی ماڵئاوایی سەرۆک مام جەلال ڕابەر و سەرکردەی نەمری گەلەکەمان و پەیمانی دوپاتکردەوە کە لەسەر ڕێبازی ئاوەدانی سەرۆک مام جەلال درێژە بە خەبات و تێکۆشانی هەمە لایەنە بدات تا بەدیهێنانی هەموو ئامانجەکانی یەکێتیی نیشتمانیی کوردستان لە چوارچێوەی عێراقێکی دیموکرات و فیدڕاڵ و تەوافقی کەسەرۆک مام جەلال زیاتر لە شەست ساڵ خەباتی بێوچانی بۆ کرد تا بەدیهێنانی کۆڵی نەدا و سەری خست .
Copyright © 2020 Kirkuk Tv All Rights Reserved Designed And Developed By AVESTA GROUP