نرخی به‌رمیلێك نه‌وتی برێنت گه‌یشته‌ 98.57 دۆلار

بانكی فیدڕاڵی ئه‌مریكا بڕیاریداوه‌ رێژه‌ی سود له‌ سه‌ر دۆلار به‌رزبكاته‌وه‌، ئه‌وه‌ش بوه‌ته‌هۆی نادڵنیایی له‌سه‌ر گۆڕانكارییه‌كانی داهاتوی سه‌ر ئه‌و دراوه‌، به‌و هۆیه‌ ئه‌مڕۆ به‌های نه‌وت له‌ جیهاندا به‌رزبوه‌وه‌ و هه‌ر به‌رمیلێك نه‌وتی برێنت گه‌یشته‌ سه‌رووی 98 دۆلار .

به‌پێی زانیارییه‌كان، له‌ بۆرسه‌ی جیهانیدا، نرخی یه‌ك به‌رمیل نه‌وتی برێنت 4 دۆلار به‌رزبوه‌ته‌وه‌ و گه‌یشتوه‌ته‌ 98 دۆلار و 57 سه‌نت، هه‌روه‌ها نرخی نه‌وتی تێكساسی ئه‌مریكاش بۆ سه‌رووی 92 دۆلاری ئه‌مریكی به‌رزبوه‌وه‌.

به‌ بڕوای بازرگانان، به‌رزكردنه‌وه‌ی رێژه‌ی سود له‌ سه‌ر دۆلار ده‌بێته‌ هۆی سستبونه‌وه‌ی بازاره‌كان و له‌ ئه‌نجامدا خواست له‌سه‌ر كڕینی نه‌وت كه‌متر ده‌بێته‌وه‌.

ئه‌مه‌ش له‌كاتێكدایه‌، رێكخراوی ئۆپیك له‌هه‌وڵدایه‌ هه‌نارده‌و به‌رهه‌مهێنانی نه‌وت كه‌مبكاته‌وه‌ بۆ ئه‌وه‌ی بتوانێت جێگیریی له‌ نرخه‌كه‌ی رابگرێت.