سەرۆکی فراکسیۆنی یەکێتی: یاسای ھەڵبژاردنی ئەنجومەنی پارێزگاکان پێویستی بە گۆڕانکارییە

سەرۆکی فراکسیۆنی یەکێتی لە ئەنجومەنی نوێنەرانی عێراق رایگەیاند، یاسای ھەڵبژاردنی ئەنجومەنی پارێزگاکان پێویستی بە گۆڕانکارییەو دەبێت لە پەرلەمان دەنگی لەسەر بدرێت.

ھەرێم کەمال ئاغا راگەیاندوه‌، یاساکە پێویستیی بە ھەندێ گۆڕانکارییە بەتایبەت لەسەر مەسەلەی ژمارەی بازنەکان و پشتبەستن بە کارتی دەنگدان.

ئاماژه‌ بۆئه‌وه‌شكردوه‌:" تائێستا پڕۆژەی ھەمواری یاساکە رەوانەی پەرلەمان نەکراوە، بەڵام ھەر ھەوڵێک بۆ ھەموارکردن یان نوێکردنەوەی یاساکەی ئێستا پێویستە لەپەرلەمان دەنگی لەسەر بدرێت."