به‌ده‌نگی ١٤١ وڵات كۆمه‌ڵه‌ی گشتی نه‌ته‌وه‌یه‌كگرتووه‌كان داوای كشانه‌وه‌ی روسیا له‌ ئۆكرانیا ده‌كات

له‌گه‌ڵ تێپه‌ڕبوونی ساڵێك به‌سه‌ر جه‌نگی ڕوسیاو ئۆكرانیا، كۆمه‌ڵه‌ی گشتی نه‌ته‌وه‌یه‌كگرتووه‌كان، به‌زۆرینه‌ی ده‌نـگ داوای كشانه‌وه‌ی ڕوسیا له‌ئۆكراین ده‌كات.

كۆمه‌ڵه‌ی گشتی نه‌ته‌وه‌ یه‌كگرتووه‌كان له‌كۆبوونه‌وه‌یه‌كدا له‌نیویۆرك، به‌ده‌نگی ١٤١ وڵات داوای كشانه‌وه‌ی خێرا و بێ مه‌رجی هێزه‌كانی ڕوسیای كرد له‌ئۆكراین، داواشیـكرد ئاشتی دادپه‌روه‌رانه‌ و هه‌میشه‌یی به‌دیبهێندرێت. 

هاوكات پشتیوانی خۆیان بــۆ یه‌كپارچه‌یی خاكی ئۆكراین ده‌ربڕی، داواشیكرد توندوتیژییه‌كان ڕابگیرێن، ئاشتی دادپه‌روه‌رانه‌ و هه‌میشه‌یی به‌پێی په‌یماننامه‌ی نه‌ته‌وه‌ یه‌كگرتووه‌كان له‌ئۆكراین به‌دیـبێت.

هه‌ر له‌كۆبوونه‌وه‌كه‌، ٣٢ وڵات، له‌نێویاندا هندستان، چییـن ده‌نگیان نــه‌دا، حه‌وت وڵاتیش كه‌ڕوسیا، بیلاڕووس، كۆریای باكوور، مالـی، نیكـاراگــوا، سوریا و ئـیریــتریا  بوون، له‌دژی بڕیاری كشانه‌وه‌ی هێزه‌كانی ڕوسیا له‌ئۆكراین، ده‌نگیانـدا.