پنتاگۆن: بەرنامە ئەتۆمییەکەی ئێران مان تا دوو ساڵ دواخست

پنتاگۆن رایگەیاند، هێرشە ئاسمانییەکانی ئەمریکا بۆ سەر شوێنە ئەتۆمییەکانی ئێران، بەرنامە ئەتۆمییەکەی تارانی تا دوو ساڵ بردە دواوە.
شۆن پارنێل وتەبێژی پنتاگۆن لە کۆنگرەیەکی ڕۆژنامەوانیدا ڕایگەیاند ، بەپێی خەمڵاندنە رەسمیەکانمان "پێدەچێت لە دوو ساڵ زیاتر بێت".
لە درێژەی قسەکانیدا وتی: ئەنجامی هێرشەکانی ئەمریکا بۆ سەر دامەزراوە ئەتۆمییەکانی ئێران وەک خۆی دەمێنێتەوە و ئەو دامەزراوانەش لەناوچوون.
لە 22ـی حوزەیران، دوای چەند رۆژێک لە هێرشەکانی ئیسرائیل بۆ سەر ئێران، ئەمریکا سێ شوێنی ئەتۆمی ئێرانی بۆردومان کرد کە ئەوانیش؛ نەزەک و ئەسفەهان و فۆردۆ بوون.
دوابەدوای ئەمەش ئێران بنکەی ئەلعودەیدی ئەمریکای لە قەتەر بۆردومان کرد و ڕاگرتنی هاوکارییەکانی لەگەڵ ئاژانسی نێودەوڵەتی وزەی ئەتۆمی راگەیاند و ترەمپ وتی؛ هێرشەکانمان بۆ سەر بنکە ئەتۆمیەکانی ئێران، یەکلاکەرەوەبوون.