هیچ بڕە ئاوێکی زیادە لە تورکیاوە بەرنەدراوەتەوە نێو ڕووباری دیجلە

دوای ئەوەی ڕۆژی سێشەممە، مەحمود مەشهەدانی، سەرۆکی پەرلەمانی عیراق لەگەڵ ڕەجەب تەیب ئەردۆغان، سەرۆککۆماری تورکیا لە ئەنقەرە کۆبووەوە و ئەردۆغان ڕەزامەندی لەسەر بەردانەوەی 420 مەتر سێجا ئاوی لە چرکەیەکدا بەرەو عیراق دابوو.
بەڵام سەرچاوەیەک لە بەڕێوەبەرایەتی بەنداوی مووسڵ ڕایگەیاند: هیچ بڕە ئاوێکی زیادە بەرنەدراوەتە نێو ڕووباری دیجلە و بەنداوی مووسڵ بەشێوەی ئاسایی خۆی و وەک ڕۆژانی ڕابردوو ئاوی لە تورکیاوە پێگەیشتووە .
ئاماژەی بەوەشکرد، بەنداوی مووسڵ ڕۆژانە 113 مەتر سێجا ئاوی لە چرکەیەکدا لە تورکیاوە پێدەگات، ئەمڕۆش هەر ئەو بڕە ئاوەی پێگەیشتووە و هیچ زیادی نەکردبوو.