ده‌زگای میدیايی كه‌ركوك: (المرصد) مینبه‌رێكی پڕشه‌وقی مه‌عریفه‌و رۆشنبیرییه‌

بەرێزان سەرنوسەرو ستافی گۆڤاری ( المرصد)
بیست و نۆیه‌مین ساڵیادی دەرچوونی گۆڤاره‌كه‌تان گۆڤاری (المرصد)، پیرۆز بێت و به‌ گه‌رمی ده‌ست و په‌نجه‌ی ماندونه‌ناسانه‌تان ده‌گوشین و هیوادارین سات به‌ سات و رۆژ دوای رۆژ، زیاترو زیاتر هه‌نگاوه‌كانتان به‌ره‌و پێشكەوتن و سەركەوتن خێراتر بێت و قه‌ڵه‌می پڕبڕشتان نووك تیژترو پڕبه‌ره‌كه‌ت تر بێت.

گۆڤاری (المرصد) وه‌ك گۆڤارێكی تایبه‌ت به‌ شیكاریی ، به‌هۆی دركپێكردنی هه‌ستیارانه‌و به‌رپرسیارنه‌ی له‌ هه‌ڵبژاردنی بابه‌ته‌ گرنگ و هه‌نوكییه‌كان و رووداوه‌ ناوخۆی و ده‌ره‌كییه‌كان، بووه‌ته‌ مینبه‌رێكی پڕشه‌وقی مه‌عریفه‌و رۆشنبیریی و ئاگاداربوونی خوێنه‌ر بۆ خوێندنه‌وه‌ی بابه‌تی و زانستییانه‌ی ئاراسته‌و په‌ره‌سه‌ندنی رووداو و گۆڕانكارییه‌  پرسه‌ ناوخۆی و جیهانییه‌كان.

ده‌زگای میدیای كه‌ركوك