به‌هۆی راگرتنی هه‌نارده‌ی نه‌وتی هه‌رێمی كوردستانه‌وه‌ نرخی نه‌وت به‌رزبوه‌وه‌

به‌هۆی ڕاگرتنی هه‌نارده‌ی نه‌وتی هه‌رێمی كوردستانه‌وه‌، نرخی نه‌وت به‌رده‌وامه‌ له‌به‌رزبوونه‌وه‌.

ئه‌مڕۆ له‌بازاره‌كانی جیهاندا، نرخی یه‌ك به‌رمیل نه‌وتی برێنت، زیاتر له‌ ١٦ سه‌نت به‌رزبووه‌وه‌و گه‌یشته‌ ٧٩ دۆلار و ٧ سه‌نت، نرخی نه‌وتی ته‌كساسیش ٣٥ سه‌نت به‌رزبووه‌وه‌ به‌ ٧٣ دۆلار و ٧٤ سه‌نته‌وه‌ بۆ هه‌ر به‌رمیلێك مامه‌ڵه‌ی پێوه‌كرا.

به‌رزبوونه‌وه‌ی نرخی نه‌وت له‌م هه‌فته‌یه‌دا، به‌هۆی ڕاگرتنی هه‌نارده‌ی نه‌وتی هه‌رێمی كوردستانه‌وه‌یه‌ دوای بڕیارێكی دادگای ناوبژیوانی پاریس له‌به‌رژه‌وه‌ندی توركیا و عیراق.

له‌هه‌مان كاتیشدا عه‌مباره‌كانی ئه‌مریكا له‌نه‌وت به‌نزیكه‌ی ٦.١ ملیۆن به‌رمیل كه‌مبووه‌ته‌وه‌، ئه‌وه‌ش هۆكاره‌ بۆ به‌رزبوونه‌وه‌ی نرخی نه‌وت له‌بازاره‌كانی جیهاندا.