نه‌ته‌وه‌ یه‌كگرتوه‌كان: زیاتر له‌ ٣٦٠ ملیۆن كه‌س له‌ جیهاندا پێویستیان به‌ هاوكاری مرۆییه‌

ئه‌نتۆنیو گـۆتێرێس سكرتێری گشتی نه‌ته‌وه‌ یه‌كگرتووه‌كان ڕایگه‌یاند، به‌هۆی ئه‌و قه‌یرانانه‌ی له‌جیهاندا سه‌ریانهه‌ڵداوه‌، كه‌دیارترینیان قه‌یرانی ئاسایشی خۆراك و برسێتییه‌ !! ژماره‌ی ئه‌و كه‌سانه‌ی له‌سه‌رانسه‌ری جیهان پێویستیان به‌هاوكاری مرۆییه‌ به‌راورد به‌ساڵی ڕابردوو، به‌ڕێژه‌ی ٣٠٪ به‌رزبووه‌ته‌وه‌و، گه‌یشتووه‌ته‌ زیاتر له‌ ٣٦٠ ملیۆن كه‌س.
ئه‌وه‌شی خستووه‌ته‌ڕوو، هۆكاری به‌شێكی زۆری ئه‌و قه‌یرانانه‌ی له‌جیهاندا دێنه‌ ئاراوه‌، لێكه‌وته‌ی چاره‌سه‌ركردنی ئه‌و قه‌یرانانه‌ن تاكو ئێستا چاره‌سه‌رنه‌كراون، به‌تایبه‌تی ئه‌و قه‌یرانانه‌ی !! به‌هۆی ڤایرۆسی كۆرۆنا و جه‌نگی ڕوسیا و ئۆكراین دروستبوون.
وتیشی، دروستبوونی به‌رده‌وامی قه‌یرانی نــوێ له‌جیهاندا، بۆ ئه‌وه‌ ده‌گه‌ڕێته‌وه‌ !! هه‌وڵێكی جددی هاوبه‌ش له‌سه‌ر ئاستی نێوده‌وڵه‌تی نــییه‌ بۆ چاره‌سه‌ركردن و بنه‌بڕكردنی ئه‌و قه‌یرانانه‌ی، كه‌پێشـتر سه‌ریانهه‌ڵداوه‌.