به‌شێك له‌ هێزه‌ ئه‌منییه‌كان له‌ گه‌ره‌كه‌ كوردنشینه‌كانی كه‌ركوك كشانه‌وه‌

ئه‌و هێزه‌ ئه‌منییانه‌ی كه‌ له‌ گه‌ڕه‌كه‌كانی شۆراو، ره‌حیماواو حه‌سیره‌كه‌و شۆرجه‌ی كه‌ركوك دوای خۆپیشاندانه‌كه‌ی 2ی ئه‌یلول له‌و گه‌ڕه‌كانه‌ جێگیركرابوون به‌ره‌به‌یانی ئه‌مڕۆ 12ی ئه‌یلول به‌شێكیان كشێنرانه‌وه‌.

سه‌رچاوه‌یه‌كی ئه‌منی وتی:"به‌ره‌به‌یانی ئه‌مڕۆ 2ی ئه‌یلی 2023 به‌شێك له‌ هێزه‌كانی فیرقەی 11ی سوپای عێراق و فیرقەی 3ی پۆلیسی فیدراڵی كه‌ له‌ دوای خۆپیشاندانه‌كانی ره‌حیماواو شۆراوو شۆرجه‌ له‌ گه‌ڕه‌كه‌كانی شۆراو، ئیمام قاسم، حەسیرەکە و شۆرجە جێگیر كرابوون كشێنراونه‌ته‌وه‌.

 ئه‌مه‌ له‌كاتێكدایه‌ بڕیاره‌ هه‌ر ئه‌مڕۆ لیژنەی ئاسایش و بەرگریی ئه‌نجومه‌نی نوێنه‌رانی عێراق به‌مه‌به‌ستی لێكۆڵینه‌وه‌ له‌هۆكارو لێكه‌وته‌كانی خۆپیشاندانه‌ كه‌ بووه‌ هۆی شه‌هید بوونی چوار گه‌نجی كورد سه‌ردانی كه‌ركوك بكه‌ن.

رۆژی 2 ی ئەم مانگە لە کەرکوک خۆپیشاندان دژی داخستنی رێگەی کەرکوک-ھەولێر له‌لایه‌ن به‌شێك له‌ عه‌ره‌ب و توركمانی شاره‌كه‌ بەڕێوەچوو، بەھۆی دروستبوونی گرژییەوە چوار ھاووڵاتیی کورد شەھید بوون و ١٤ کەسیش بریندار بوون و ھێزی ئەمنیی لە چەندین گەڕەکی کوردنیشین جێگیرکران، ئەوەش نیگەرانی ھاووڵاتیان و لایەنە سیاسییەکانی لێکەوتەوە.