لەساڵیادی دامەزراندنی یەکێتیی زانایانی ئاینی ئیسلامیی کوردستان ، بافڵ جەلال تاڵەبانی سەرۆكی یەكیتیی نیشتمانیی كوردستان پەیامێكی پیرۆزبایی ئاڕاستەی مامۆستایانی ئاینی پایەبەرز دەكات .
دەقی پەیامەكە :
بەڕێزان مامۆستایانی پایەبەرزی ئاینی
بەڕێزان یەکێتیی زانایانی ئاینی ئیسلامیی کوردستان
لە ساڵیادی دامەزراندنی یەكێتییەكەتاندا پیرۆزباییەكی گەرمتان لێدەكەم و هیوای سەركەوتنی زیاترتان بۆ دەخوازم.
مامۆستایانی ئاینی لە كوردستان سەرباری جێبەجێكردنی ئەركە ئاینییەكان، پێشەنگبوون لە قووڵكردنەوەی گیانی پێكەوەژیان و هەمیشە لە خزمەت چاكەی گشتیدا بوون. لە قۆناغە سەختەكانی خەباتیشدا رۆڵێكی بێوێنەیان گێڕاوە و بەشێكی گرنگی شۆڕش و شانازییەكان بوون.
یەکێتیی نیشتمانیی کوردستان بە رێز و پێزانینەوە لە رۆڵ و پێگەی ئێوەی مامۆستایانی ئاینی دەڕوانێت، وەك هەمیشەش پاڵپشت و پشتیوانتان دەبێت بۆ سەرخستی بیری ئاشتی، میانڕەوی و پێكەوەژیان لە كوردستان.
شاد و سەرفرازبن
بافڵ جەلال تاڵەبانی
سەرۆکی یەکێتیی نیشتمانیی کوردستان- بەغدا
Copyright © 2020 Kirkuk Tv All Rights Reserved Designed And Developed By AVESTA GROUP