باڵیۆزی گشتی به‌ریتانیا ئیدانه‌ی بۆردومانه‌كه‌ی فڕۆكه‌خانه‌ی عه‌ربه‌ت ده‌كات

باڵیۆزی گشتی به‌ریتانیا له‌ عیراق ئیدانه‌ی بۆردومانه‌كه‌ی فڕۆكه‌خانه‌ی كشتوكاڵی عه‌ربه‌ت ده‌كات و له‌هه‌مانكاتدا پشتگیری ئاسایش و ئارامی عیراق ده‌كات.

ستیڤن هیچن باڵیۆزی گشتی به‌ریتانیا له‌ عیراق په‌یامێكی كورتی له‌باره‌ی هێرشكردنه‌ سه‌ر هێزه‌كانی دژه‌تیرۆر بڵاوكرده‌وه‌و  رایگه‌یاند:" ئیدانه‌ی بۆردومانه‌كه‌ی فڕۆكه‌خانه‌ی كشتوكاڵی عه‌ربه‌ت له‌سلێمانی ده‌كه‌م و ئێمه‌ پابه‌ندین به‌ پشتگیریكردنی ئاسایش و سه‌روه‌ری و یه‌كپارچه‌یی خاكی عیراق".

ئاماژه‌ی بۆ ئه‌وه‌شكردوه‌:" پرسه‌ و سه‌ره‌خۆشی خۆمان ئاڕ‌استه‌ی كه‌سوكاری قوربانیان و زیانلێكه‌وتووه‌كان ده‌كه‌ین و هیوادارین ئه‌و رووداوه‌ دووباره‌ نه‌بێته‌وه‌".

ئێواره‌ی رۆژی ١٨-٩-٢٠٢٣ هێرشێكی تیرۆرستی له‌ڕێگه‌ی درۆنه‌وه‌ كرایه‌ سه‌ر فرۆكه‌خانه‌ی كشتوكاڵی عه‌ربه‌ت، له‌ئه‌نجامدا ٣ پێشمه‌رگه‌ی دژه‌تیرۆر شه‌هید بوون و سێ پێشمه‌رگه‌ی دیكه‌ش بریندار بوون.