پێشبینی دەکرێت تیكڕای پلەی گەرمی جیهان بەرزبێتەوە

سەدان زانای پێشەنگی کەشناسی پێشبینی دەکەن تێکڕای پلەی گەرمی جیهان بەرزبوونەوە بەخۆوە ببینێت، کە بەلایەنی کەمەوە 2.5 پلەی سیلیزی بەرزببێتەوە.
ئاژانسە هەواڵییە جیهانییەکان بڵاویانکردەوە: نزیکەی 80% بەشداربووانی پانێڵی نێوان حکومەتەکان بۆ گۆڕانی کەشوهەوا پێشبینی گەرمبوونی لانیکەم 2.5 پلەی سیلیزی جیهان دەکەن.
ئاماژەیان بەوەشداوە:  هاوکات پێشبینی برسێتی و  ململانێ و کۆچی بەکۆمەڵ دەکەن کە بەهۆی شەپۆلی گەرماو  ئاگرکەوتنەوە سروشتییەکان و  لافاو و زریانەکانەوە روودەدەن.
ژمارەیەکی زۆر لە شارەزایان باسیان لەوەشکردووە: سەرەڕای ئەو بەڵگە زانستییە روونانەی کە پێشکەشیانکردووە ،بەڵام هەست بە بێهیوای و توڕەیی و ترس دەکەن بەهۆی شکستی حکومەتەکانەوە لە رووبەڕووبوونەوەی گۆڕانی کەشوهەوا.
جەختلەوەش دەکەنەوە: کە شەڕی رووبەڕووبوونەوەی گۆڕانی کەشوهەوا دەبێت بەردەوام بێت.