هه‌ردوو ئه‌نجومه‌نی ئاسایشی هه‌رێم و هه‌واڵگریی عێراق كۆبووه‌نه‌وه‌

 
ئەمڕۆ سێ شەممە ٤ ی ٦ ی ٢٠٢٤  کۆبوونەوەی هاوبەشی ئەنجوومەنی ئاسایشی هەرێمی کوردستان و ئەنجوومەنی هەواڵگریی نیشتمانیی عیراق بە ئامادەبوونی ، جەلال شێخ ناجی سەرۆکی ئاژانسی پاراستن و زانیاری / زانیاری هەرێم ، هیوا ئەحمەد سەرۆکی دەزگای ئاسایشی هەرێم ، رێبەر ئەحمەد وەزیری ناوخۆی هەرێم لە هەولێر بەڕێوەچوو .
لە کۆبوونەوەکەدا ئاڵوگۆڕی زانیاری و هەماهەنگیی هەواڵگری و ئاڵنگارییە ئەمنییەکان  تاوتوێکراون .

هەر لە کۆبوونەوەکەدا هەردوولا تەئکیدیان  لە هاریکاری زیاتری نێوان دەزگا ئەمنییەکان و یەکخستنی هەوڵە هەواڵگرییەکان کردەوە لەپێناو سەقامگیری زیاتری ئاسایش و ئارامی لە وڵاتدا .

هاوکات هەنگاوەکانی رووبەڕووبوونەوەی پاشماوەکانی تیرۆر و یاسا شکێنان ، لابردنی بەربەستەکانی بەردەم کێشەکان و دۆسییە هاوبەشەکان ، تەوەرێکی تری کۆبوونەوەکە بوو کە هەڵسەنگاندنی بۆ کرا و لەسەر بنەمای یاسابەرکارەکان و بەرژەوەندی نیشتمانیی بڕیاری پێویستیان لەبارەوە درا .