خێزانێک بەئۆتۆمبێلەکەیانەوە دەکەونە پڕۆژەی ئاوی داقوقەوەو دایکەکە گیان لەدەستدەدات

ئۆتۆمبێلی خێزانێكی كورد كە لە رێگادابوون بەرەو كەركوك، كەوتە پرۆژەی ئاوی قەزای داقوق و بەهۆیەوە ژنێك گیانیلەدەستدا.

رووداوەكە بەیانیی ئەمڕۆ بووە، خێزانەكە كە لە باوك، دایك و كوڕەكەیان پێكهاتوون و خەڵكی گوندی حەفتەغاری سەر بە قەزای داقوقن، بەڕێگاوەبوون بەرەو كەركوك، لە رێگا بە ئۆتۆمبێلەكەیانەوە كەوتوونەتە ناو پرۆژەی ئاوی داقوق و باوك و كوڕەكە لە رووداوەكە دەربازیان بووە و توانیویانە لە ئۆتۆمبێلەكە بێنە دەرەوەو دایکەکەش کە تەمەنی ٧٩ ساڵە گیانی لەدەستداوە.