بەهۆی شکانی بۆرییەوە پڕۆژەی ئاوی تەقتەق-کۆیە وەستێندرا

به‌ڕێوه‌به‌رایه‌تی ئاوی كۆیه‌ رایگه‌یاند، به‌هۆی لێكترازانی بۆری 18 ئینجی له‌ نزیك ته‌قته‌ق، به‌یانی ئه‌مڕۆ به‌ناچاری پرۆژه‌ی ئاوی ته‌قته‌ق-كۆیه‌مان وه‌ستان.
به‌ڕێوه‌به‌رایه‌تی ئاوی كۆیه‌ له‌ئاگادارینامه‌یه‌كدا بۆ هاوڵاتییانی كۆیه‌ بڵاویكردووەتە‌وه‌، به‌هۆی لێكترازانی بۆری 18 ئینجی له‌ نزیك ته‌قتەق‌، به‌ ناچاری سەعات 7:30 دەقیقەی به‌یانی ئه‌مڕۆ پڕۆژه‌ی ئاوی (ته‌قته‌ق-كۆیه‌) وه‌ستێنرا.
ئاماژه‌یان به‌وه‌شكردووه‌، تیمه‌كانی بەڕێوه‌به‌رایه‌تییەکە  سه‌رقاڵی چاككردنه‌وه‌ی بۆرییەکەن، بۆئه‌وه‌ی به‌ زووترین كات بتوانن ئاو بگه‌یننه‌وه‌ شاری كۆیه. داواش لە هاوڵاتییان دەکات‌ تا كاتی چاككردنه‌وه‌ی بۆریه‌كه‌ به‌ هۆشیارییەوە ئاو به‌كاربهێنن.