وەزارەتی بەرگری عێراق داوا لەو كەسانە دەكات لەهەرێم كە ناویان هاتووەتەوە بۆ لیوای ٢٠ی هاوبەش، سەردانی بنكەی خۆبەخشی كەركوك بكەن لەدیالە بۆ چاوپێكەوتن.
ئاگاداری نامەكەی وەزارەتی بەرگری عێراق كە لەلایەن وەزارەتی پێشمەرگەوە بڵاوكراوەتەوە، تیایدا ناوی ٤٣٠ كەس ڕاگەیەندراوە كە بۆ لیوای ٢٠ی هاوبەش نووسیوە.
داواشیان لێدەكات لەڕۆژی ١٤ و ١٥ و ١٦ی مانگدا سەردانی بنكەی خۆبەخشی كەركوک لەدیالە بكەن بۆ چاوپێكەوتن، لەگەڵ خۆشیاندا پێداویستیەكانی دامەزراندن بەرن.
لیوای ٢٠ی هاوبەش كەژمارەیان زیاتر لەسێ هەزار و ٧٠٠ پێشمەرگەیەو سەر بەوەزارەتی بەرگری عێراقە، ماوەی چەندساڵێكە بۆ پڕكردنەوەی ئەو بۆشاییە ئەمنییەی نێوان هێزی پێشمەرگەو سوپای عێراق بڕیاری دروستكردنی لێ دراوە.
Copyright © 2020 Kirkuk Tv All Rights Reserved Designed And Developed By AVESTA GROUP