وەزیری دارایی هەرێم رایدەگەیەنێت، دەرگایان كراوەیە بۆ تیمەكانی دیوانی چاودێری دارایی بۆ وردبینی و بەدواداچوون لەسەر لیستی مووچە و داهات.
بەپێی راگەیەنراوێكی وەزارەتی دارایی، ئاوات شێخ جەناب وەزیری دارایی و ئابوری هەرێم، لەگەڵ وەفدێكی هاوبەشی دیوانی چاودێری دارایی عیراق و هەرێمی كوردستان كۆبۆەتەوە و گفتوگۆ لەسەر كارەكانی تیمی هاوبەشی هەردوو دیوانی چاودێری دارایی لە وەزارەت و دامودەزگاكانی هەرێمی كوردستان لەماوەی رابردوودا كراوە.
ئاماژەبەوەشكراوە، لە كۆبونەوەكەدا وەزیری دارایی رایگەیاندووە، بەردەوام دەرگایان بۆ تیمەكانی دیوانی چاودێری دارایی كراوەبووە بۆ وردبینی و بەدواداچوون لەسەر لیستی مووچە و داهات و خەرجیەكانی هەرێمی كوردستان.
Copyright © 2020 Kirkuk Tv All Rights Reserved Designed And Developed By AVESTA GROUP