دەستەی پارستن و چاککردنی ژینگەی هەرێم
رایدەگەیەنێت، رێژەی خنکانی گەنجان لە ئاودا نۆ ئەوەندەی خنکانی کەسە بەتەمەنەکانە.
لە رۆژی جیهانیی خۆپاراستن لە خنکاندا، دەستەی
پارستن و چاککردنی ژینگەی هەرێم رێنمایی هاوڵاتییان دەکات، دڵنیابن لەو شوێنەی
مەلەوانی تێدا دەکەن لەگەڵ تواناکانیان دەگونجێت یان نا.
هاوکات دەستەی پاراستن و چاککردنی ژینگەی هەرێم
هۆشداری دەدات کە مەلەکردن لە رووبار و چەمەکان پارێزراو نییە.
بە ئامانجی بەرزكردنەوەی ئاستی هۆشیاری سەبارەت
بە خنكان و کاریگەریی و مەترسییەکانی، ساڵانە 25ی تەمموز بە رۆژی جیهانیی
خۆپاراستن لە خنكان دیاریكراوە.
بە گوێرەی ئامارەکان، ساڵانە نزیكەی 236 هەزار
كەس لە جیهاندا دەخنكێن، رووداوەكان زۆرتر لەنێوان منداڵانی تەمەن 5 بۆ 14 ساڵاندا
روودەدەن.
Copyright © 2020 Kirkuk Tv All Rights Reserved Designed And Developed By AVESTA GROUP