هەناردەی نەوتی عیراق بۆ ئەمریکا کەمیکردووە

ناوەندی بەڕێوەبردنی وزەی ئەمریکی بڵاویکردەوە، لەماوەی هەفتەی رابردوودا ئاستی هەناردەی نەوتی عێراق بۆ وڵاتەکەیان کەمیکردووە.
بەگوێرەی راگەیەندراوی ناوەندەکە، رێژەی ناوەندی هاوردەی ئەمریکی لەماوەی هەفتەی رابردوودا لە هەشت وڵاتی سەرەکییەوە، 5 ملیۆن و 974 هەزار بەرمیلی رۆژانە بووەو 70 هەزار بەرمیلی رۆژانە کەمتربووە لەچاو هەفتەی پێشتردا کە زیاتر لە 6 ملیۆن بەرمیلی رۆژانە بووە.
باسی لەوەشکردووە، ئاستی هەناردەی نەوتی عێراق بۆ ئەمریکا لەم هەفتەیەدا 150 هەزار بەرمیلی رۆژانە بووە کە لەهەفتەی پێشتردا 220 هەزار بەرمیلی رۆژانە بووە.
زۆرترین هەناردەکردنی نەوت بۆ ئەمریکا لەم هەفتەیەدا، لەلایەن کەنەداوە بووە کە 4 ملیۆن و  364 هەزار بەرمیلی رۆژانە بووەو دواتریش مەکسیک کە 355 هەزار بەرمیلی رۆژانە بووەو دواتریش کۆڵۆمبیا و بەرازیل و سعودیە و عێراق و نەیجیریا و ئیکـوادۆر.