تەرمی پەنابەرێکی کورد گەڕێندرایەوە هەرێم

دەزگای لوتکە بۆ کاروباری ئاوارە و پەنابەران بڵاویکردەوە، لە 10ی حوزەیرانی 2024 پەنابەرێکی کورد بەناوی (چیا قارەمان فەقێ)، لە وڵاتی ئیتاڵیا لە روداوێکی نەخوازراودا گیانیلەدەستدا.

ئەمڕۆ 1ی ئابی 2024 لەسەر داوای خێزانەکەی تەرمەکەی گەڕێندرایەوە هەرێمی کوردستان.

دەزگای لوتکە رایگەیاندوە، سەرجەم تێچووی گەڕانەوەی تەرمەکە لەلایەن دامەزراوە داراییەکانی یەکێتیی نیشتمانیی کوردستانەوە لەئەستۆگیرا و سەرجەم رێکارە یاساییەکان لەلایەن دەزگای لوتکەوە ئەنجامدرا

دوای رادەستکردنەوەی تەرمەکە بە خێزانەکەی لە رێوڕەسمێكدا لە زێدی خۆی بەخاک سپێردرا.