ئەندامێكی لیژنەی دارایی لە ئەنجومەنی نوێنەرانی عیراق رایگەیاند، دوای تەواوبوونی مووچەی فەرمانبەرانی حكومەتی فیدڕاڵ، مووچەی هەرێم دابین دەكرێت.
د.نەرمین مەعروف ئەندامی لیژنەی دارایی لە ئەنجومەنی نوێنەرانی عیراق رایگەیاند ، كێشە لە ناردنی مووچەی فەرمانبەرانی هەرێمدا نییە و دوای تەواو بوونی مووچەی فەرمانبەرانی حكومەتی فیدراڵ، مووچەی هەرێمی كوردستان دابیندەكرێت.
د.نەرمین مەعرووف راشیگەیاند، كێشەی مووچەی فەرمانبەرانی هەرێم بەپێی بڕیارەكانی دادگای فیدراڵ و رێكەوتنی نێوان هەردوو حكومەتی فیدراڵ و هەرێم چارەسەر كراوەو گرفتێكی ئەوتۆ لە ناردنی مووچەیی فەرمانبەرانی هەرێمدا نییە.
ئەوە لە كاتێكدایە وەزارەتی دارایی عیراق مووچەی مانگی حەوتی مووچە خۆرانی خۆی دابەشكردووەو بەپێی خشتەی مووچەش دوای تەواو بوونی پرۆسەی دابەشكردنی مووچەی فەرمانبەرانی عیراق دواتر مووچەی فەرمانبەرانی هەرێم دابیندەكرێت.
Copyright © 2020 Kirkuk Tv All Rights Reserved Designed And Developed By AVESTA GROUP