نرخی مریشک دادەبەزێت

سەرۆكی كۆمەڵەی كێڵگە پەلەوەرییەكان رایگەیاند، نرخی مریشیک دابەزیوەو یەك كیلۆ مریشك لە كێڵگە پەلەوەرییەكان بە دوو هەزارو 400 دینار بۆ دوو هەزار 600 دینار دەفرۆشرێت.

نازم عەبدوڵا سەرۆكی كۆمەڵەی كێڵگەپەلەوەرییەكان رایگەیاند، بەهۆی زۆربوونی مریشک لەناو کێڵگە پەلەوەرییەکان نرخی مریشک دابەزیوەو لەئێستادا نرخی یەك كیلۆ مریشك لەنێوان دوو هەزار و 400 دینار بۆ دوو هەزار 600 دینارەو بەپێی كێشەكەی دەفرۆشرێت، بەڵام هەفتەی رابردوو یەك كیلۆ مریشك لەنێوان سێ هەزار بۆ سێ هەزار و 300 دینار بـــووە.

وتیشی، دابەزینی نرخەكەی پەیوەندی بەخواست و خستنەڕوو هەیەو لەئێستادا كێڵگە پەلەوەرییەكان بەرهەمێكی زۆریان هەیە.