ڕێكخراوی ته‌ندروستی جیهانی، هۆشدارییه‌كی لەبەرەى ڤایرۆسێکەوە بڵاوکردەوەو رایگەیاند: ڤایرۆسی ئۆرۆبوش "نه‌خۆشییه‌كی نائاساییه" كه له‌ڕێگه‌ی پێوه‌دانی مێش و مێشوله‌ه‌وه بڵاوده‌بێته‌وه.
ئه‌م ئاگاداركردنه‌وه دوای ئه‌وه هات كه ڕێكخراوی ته‌ندروستی، یه‌كه‌م حاڵه‌تی مردنی په‌یوه‌ست به‌ڤایرۆسی ئۆرۆبــوشی ڕاگه‌یاند: بەمردنی كۆرپه‌لەیە، چونكه ڤایرۆسه‌كه له‌كاتی دووگیانیدا له دایكه‌وه بۆ منداڵ ده‌گوازرێته‌وه.
ڕێكخراوی ته‌ندروستی پان ئه‌مریكی پشتڕاستیكرده‌وه حه‌وت هه‌زار و 284 حاڵه‌تی توشبون له بڕازیل هه‌یه، كه ده‌كاته 90%ی هه‌مو حاڵه‌ته‌کانلەم ساڵدا له كاتێكدا ساڵی ڕابردو 832 حاڵه‌ت تۆماركرابون.
به‌پێی ئاماره‌كانی سه‌نته‌ری كۆنترۆڵكردن و خۆپاراستن له‌نه‌خۆشییه‌كان له ئه‌مریكا، نیشانه‌كانی ڤایرۆسی ئۆرۆپوش هاوشێوه‌ی تای خوێنبه‌ربونه، بریتین له سه‌رئێشه‌و له‌رزو تـــا و ئازاری ماسوڵكه‌و جومگه‌كان و سكچون و ڕشانه‌وه.
له‌حاڵه‌ته تونده‌كاندا، ڤایرۆسه‌كه ده‌بێته‌هۆی ئاوسانی شانه‌كانی ده‌وروبه‌ری مێشك و بڕبڕه‌ی پشت.
Copyright © 2020 Kirkuk Tv All Rights Reserved Designed And Developed By AVESTA GROUP