یەدەگی زێڕی عیراق ١٤٨ تۆن تێدەپەڕێنێت

ئەنجومەنی جیهانی زێڕ لەڕاپۆرتێكیدا رایگەیاندووە: یەدەگی زێڕی عیراق بەردەوام لەزیادبووندایەو لەئێستاشدا عیراق خاوەنی زیاتر لە 148 تۆن زێرە.

ڕاشیگەیاندوە: عیراق لەریزبەندی ئەو وڵاتانەی كە خاوەنی زۆرترین یەدەگی زێڕن پلەیەك هاتووەتە پێشەوەو لەئێستا لەپلەی بیست نۆیەمیندایە.

ئاماژەی بەوەشكردووە: عیراق لەماوەی رابردوودا توانیویەتی یەدەگی زێڕەكەی لە 145 تۆن و 700 كیلۆوە، بۆ 148 تۆن 300 كیلۆ بەرز بكاتەوە، ئەوەش نزیكەی لەسەدا دەی یەدەگەكانی تری ئەو وڵاتە پێك دەهێنێت.

هەر بەگوێرەی راپۆرتەكە: لەسەر ئاستی جیهان، ئەمریكا خاوەنی زۆرترین یەدەگی زێڕە كە بڕەكەی هەشت هەزار و 133 تۆنە، ئەڵمانیا بە سێ هەزار و سێسەد و پەنجاو یەك تۆن و ئیتاڵیا بە دوو هەزار و 814 تۆن، لەپلەكانی دووەم و سێیەمی ریزبەندییەكەن.