بوومەلەرزەیەك لە سوریا و ئوردن و لوبنان و فەلەستین هەستیپێکراوە

بومەلەرزەیەک باکووری سوریای هەژاندو لەباکووری کوردستان و چەند وڵاتێکی ناوچەکەش هەستی پێکرا.
ناوەندی نیشتمانی بوومەلەرزە لەسوریا رایگەیاند، سەعات 11:56 دەقیقەی شەو، بوومەلەرزەیەک بەگوڕی 5.5 پلەی رێختەر لەرۆژهەڵاتی شاری حەمای باکووری سووریا روویداوەو چەقی بوومەلەرزەکەش دووری 23 کیلۆمەتر لەرۆژهەڵاتی شاری حەمای تورکیابووە.
بەگوێرەی راگەیەندراوی سەرۆکایەتیی بەڕێوەبردنی کارەسات و باری لەناکاوی تورکیا "ئافاد"، بوومەلەرزەکە لەشارەکانی روحا، سەمسور، ئادیامان، کیلیس و هاتای هەستی پێکراوە.
هاوکات، بەگوێرەی روانگەی بوومەلەرزەزانی ئوردن، بوومەلەرزەکە لەو ئوردنیش هەستیپێکراوە و کەناڵی 14ـی ئیسرائیلیش رایگەیاند، خەڵکی باکووری ئیسرائیل هەستیان پێکردووە.
لای خۆیانەوە میدیاکانی ئوردن و لوبنان هەوڵەکەیان پشتڕاستکردەوەو ئاشکرایانکرد، لەترسی رووخانی باڵەخانە و ماڵەکان، بەشێک لەهاوڵاتییان لەماڵەکانیان هاتوونەتە دەرەوەو بوومەلەرزەکە لەبەشێکی فەڵەستینیش هەستیپێکراوە.