پێش دیداری ئاتڵەنتا , ئەنچیلۆتی لێدوانی خۆی خستەڕوو

ئەمشەو یاریەکی قورسمان لەپێشە و زۆر بەباشی دەزانین کە یانەی ئاتڵەنتا ئاسان نابێت , وەک بینیمان لە وەرزی رابردوودا رکابەرەکەی ئەمشەومان ئاستێکی نایابی لە یۆرۆپالیک پێشکەش کرد و.توانی جامەکە بەرز بکاتەوە , ئەوەش باش دەزانین یاری فایناڵی جامی سوپەری ئەوروپی ھەڵە قبوڵ ناکات و دەبێت یاریزانی شاھانە زۆر وریابن و تەرکیزی تەواوەتی بخەنە سەر رکابەریەکە , لەڕووی ئامادەسازی یانەی ریاڵ مەدریدەوە پێموایە یاریزانانی پێکھاتەکەم بەباشی ئامادەن و دەتوانن ئەمشەو ئاتڵەنتا دووچاری شکست و یەکەمین نازناوی پێش دەستپێکردنی وەرزی نوێ بەدەست بھێنن , بۆ پێکھاتەکەشم بەشێوەیەکی سەرەکی یاری بەتواناکانی ڤینیسیۆس جۆنیۆر و رۆدریگۆ و بیلینگھام و کیلیان مباپێ دەکەم , باوەڕم وایە ئەوان دەتوانن پێشڕەوی ھێڵە جیاوازەکانی ریاڵ مەدرید بکەن بۆ سەرکەوتن و بردنەوەی جامەکە , یاریزانانی قەڵای شاھانە سەرەرای ویستی بردنەوە دەیانەوێت نازناوەکە پێشکەشی کیلیان ئێمباپێ بکەن و لەیەکەمین یاری رەسمی خۆیدا بیکەنە پاڵەوان , ئەمشەو چاوەروان بن یاریگای وارسۆ ئامادەیە و ئێمەش باشتر ئامادە دەبین