دۆناڵد ترەمپ، کاندیدی کۆمارییەکان بۆ پۆستی
سەرۆکایەتی ئەمریکا رایگەیاند: لەکاتی بوون بە سەرۆکی ئەمریکا ویستی دروستکردنی
پەیوەندیەکی باشی لەگەڵ ئێراندا هەیە .
لەمیانەی بانگەشەی هەڵبژاردندا لە ویلایەتی
نیوجێرسی ئەمریکا دۆناڵد ترەمپ رایگەیاند:
نایەوێت پەیوەندیەکی خراپی لەگەڵ ئێراندا هەبێت و هیوادارە پەیوەندییەکی دۆستانەی
هەبێت.
ترەمپ ئاشکراشیکرد: مەرجی هەبوونی پەیوەندیەکی
باش لەگەڵ ئێران بۆ ئەمریکا ئەوەیە، نابێت ئێران چەکی ئەتۆمی هەبێت .
وتەکانی دۆناڵد ترەمپ، سەرۆکی پێشووی ئەمریکا لە
کاتێکدایە پێشتر لە ماوەی سەرۆکایەتیدا، ئەمریکا کشانەوەی خۆی لە رێکەوتنی ئەتۆمی
لەگەڵ ئێران راگەیاند و هاوکات بە فەرمانی دۆناڵد ترەمپ، قاسم سلێمانی فەرماندەی
سوپای قودسی سوپای پاسدارانی ئێرانیش بە ئامانج گیرا و کوژرا.
وابڕیارە رۆژی 5ـی تشرینی دووەمی ئەمساڵ
هەڵبژاردنی سەرۆکایەتی ئەمریکا بەرێوەبچێت و هەریەک لە دۆناڵد ترەمپ، کاندیدی
کۆمارییەکان و کامالا هاریس، کاندیدی دیموکراتەکان کێبرکێی یەکتربکەن بۆ سەرۆکایەتی
ئەمریکا.
Copyright © 2020 Kirkuk Tv All Rights Reserved Designed And Developed By AVESTA GROUP