بارسیلۆنا لەمشەوەوە ئامانەتى هانزفلیکە

بارسیلۆنا لەمشەوەوە ئامانەتى هانزفلیکە 
ئاکۆ بیبانى
سەردەمى هانز فلیک لەمشەوەوە دەستپێدەکات کاتێک سەرکردایەتى یانەى بارسێلۆنا دەکات لە یەکەم ئەزمونى ڕەسمى خۆى بەرامبەر بە یانەى فالانسیا لە خولى یانەکانى ئیسپانیا .
دوای 3 وەرز لەگەڵ بارسا و بێ ئومێدبوون لەوەى هیچى نوێ پێشکەش بە کەتەلۆنیا بکات ، ئیدارەى بارسا چاڤى دوورخستەوەو هەموو هێلکەکانى خستە سەبەتەى هانز فلیکەوە کەپێشتر راهێنەرایەتى یانەکانى ( هۆفنهایم و بایرن میونشین ) ى کردبوو .
 ئێستا فلیک بە بیرۆکەى نوێوە هاتۆتە گۆڕەپانەکەوە ، دەیەوێت زیاتر لەو تیپەى پار بکات کە بە 10 خاڵ لە ریاڵ مەدریدى پێشەنگ دووربوو ، چاوەکان لەسەر ئەوەن ئەو راهێنەرە تیمارى دەرمانى چەند ساڵەى بلوگرانا بکات ، بارسا لەم وەرزەدا لە پێناو ئەوەى نەختینەیی دارایی بەهێزبێت و چەند یاریزانێک بگوازێتەوە ، دەستبەردارى چەند یاریزانێک بوو ، رێگاشى دا چەند یاریزانێک کە بەخواستن هانبوون بگەڕێنەوە یانەکانیان هاوشێوەى هەردوو ( جواوەکە ) چەند یاریزانێکیشى چەشنى شادى ریازو  مارک گۆیۆ و جۆلیان ئاراوخۆى فرۆشت .
بارسا لەمێرکاتۆدا گواستنەوەیەکى گەورەى ئەنجامداو دانى ئۆلمۆى بە 55 ملیۆن یۆرۆ گواستەوە .
لە یارییەکەى فالانسا هانز فلیک بەبێ 5 ئەستێرەى گەورەى بەرەنگارى شەمشەمە کوێرەکان دەبێتەوە کە ئەوانیش : هەریەکە لە گاڤی و پێدری و فرێنکی دی یۆنگ و ڕۆناڵد ئاراوخۆ و فێرمین لۆپێزن .
فالانسیاش لە بازارى گواستنەوەى یاریزاناندا چەند جوڵەیەکى کردو چەند یاریزانێکى هێنایە ریزەکانى و دەستبەردارى چەند یاریزانێکیش بووە ، شەمشەمە کوێرەکان هیچ پێکانێکى نیە و یاریزانەکانى ئامادەن ، لە هێڵى گۆڵ متمانەى تەواویان لەسەر تواناکانى مامارداشڤیلیدى جۆرجییە ، لە هێڵى هێرشبردنیش بۆندى لەگەڵ دوو یاریزانى بەتوانا ئەنجامداوە کە ئەوانیش رافا میرى هێرشبەرى سیفییا و دانى گۆمێزى لیفانتییە .